Bu il Azərbaycan Tibb Universitetində elmi işlərin yoxlanılması prosesinə dəyişikliklər edilib. Bu barədə ATU-nun I müalicə profilaktika fakültəsinin dekanı, dosent Elşad Novruzov fakültənin cərrahi bölümünün Tələbə Elmi Cəmiyyətinin (TEC) konfransında məlumat verib.

Fakültə dekanı, dosent Elşad Novruzov son dövrlərdə gənclərin, o cümlədən ATU tələbələrinin elmə marağının artdığını bildirib. Bunu“qürurverici hal”adlandıran dekan E.Novruzov bu məsələdə elmi rəhbərlərin böyük rol oynadığını qeyd edib.