Sizi Azərbaycan Tibb Universitetinin rəsmi saytında salamlamağıma şadam. Ölkənin ilk fəaliyyətə başlayan universitetlərindən biri olan bu ali təhsil müəssisəsi səhiyyə kadrları hazırlayan ən böyük, aparıcı elm və tibb mərkəzidir. Ümid edirəm ki, www.amu.edu.az saytının resurslarına istinad edərək siz universitetin strukturu, fakültə və kafedraları, elmi-tədqiqat layihələri, beynəlxalq əlaqələri haqqında ətraflı məlumat əldə edəcəksiniz. Biz çalışdıq ki, abituriyent və rezidentlərin ixtisas seçimi, qəbul qaydaları, təhsil almaq imkanları haqqında məlumatı geniş işıqlandıraq. Həmçinin, ümidvaram ki, saytımız rahat və faydalı naviqator rolunu oynayaraq, universitetimizin klinikalarına müraciət etmək istəyən bütün xəstələrə əhəmiyyətli dərəcədə köməklik göstərəcək.